SAIDA MAK LIXU

Lixu mak material restu neebe ema la utiliza no ema la gosta ona hafoin liu husi prosesu ruma hodi soe ba fatin lixu. Ema halo definisaun ba lixu, haree husi grau la utiliza lixu nee (nian) rasik. Iha prosesu natural, iha mos serteza katak laiha konseitu propriadu kona ba lixu, so iha deit mak produto sira rezultadu husi ema nia kreatividade no mudansa ba tempu neebe mak akontese hodi rezulta lixu.

 

Lixu hanesan material sira neebe maka ema serve para utiliza fali ou restu husi sasan sira neebe maka ema uza tiha ona no nia la serve para atu utiliza fali. Lixu normalmente iha forma oin-oin neebe maka mai husi fabrika industria sira, fabrika biolojiku sira, fabrika domestika sira no fabrika espesial siras seluk no iha impaktu neebe bele fo ameasa ba ema nia saude. Lixu sira neebe bele kauza ba impaktu ambiental maka lixu sira neebe laos natural katak lixu neebe maka produs.

 

Iha vida umanidade nia ezistensia fo konseitu no definisaun ba ambiente, maka lixu iha klasifikasaun tuir nia espesie sira. Lixu klasifika sai parte ida husi realidade ita nia ambiente maka mai husi ai han nia restu, metal nia restu sira, palstiku sira, borraxa sira, ai kulit sira nia restu, hena restu, metal nia restu sira, vidru nia restu sira, keramika na restu sira, no rai-rahun sira.

 

Ema halo diferensia ba lixu hirak nee liu husi nia karakteristika bazika biolojiz no kimikz mzk hanesan:

 

Restu ou lixu neebe dodok (Organiku): Ezemplu; restu ai han, ai tahan, lixu toos nian, lixu agrikultura sira, no seluk seluk tan.

 

Restu ou lixu neebe difisil atu dodok ou la dodok (la organiku) no ho ema nia konhesimentu no ema nia kreatividade bele halo resiklajen ou sunu bainhira ema iha intensaun atu hamenus lixu ou hakarak utiliza fila fali.

 

Restu ou lixu ho forma rai rahun rezultadu husi kombustaun, lixu ida nee sai partikula kiik liu bele misturadu ho anin livre hodi bele tama iha kanal respirasaun too ikus bele hamosu moras iha vida umana.

 

Restu ou lixu neebe perigozu liu ba saude, ezemplu lixu industria (material ho substansia toxikus ou veneno perigozu), lixu industria iha kuantidade, konsentrasaun, ho natureza kimika, fizika no mikrobiolojia iha lixu nia kompozisaun, bele aumenta ou reforsa mortalidade no morbidez sai kauza ba moras oin oin neebe reversivel (bele kura) no ireversivel (labele kura) ho nia potensia hamosu perigozu iha tempu agora ka tempu mak sei mai.

 

Ho hanoin simples no baziku sira nee, lixu mak butuk material restu ou uzadu hanesn ai-horis ou restu animal nia restu no sasan seluk neebe mak atu soe. Ho hanoin koomprensivu, lixu mak sasan neebe atu soe, tantu orijen husi natureza ou rezultadu prosesu teknolojia komposta solidu no la solidu.

                

 Atu haklean netik  hanoin balun husi ema meritu ka matenek nain sira-nia hanoin konaba lixu iha Cidade ida hodi aprofunda ita nia argumentu ka ideia sira kona ba lixu. Nunee  Ita koalia kona ba Lixu/ Residous ka sampah, tuir mai  ita kompriende uluk lai saida maka lixu  ka residou  ou sampah nee los?

 

1.      Hanoin  kona ba lixu (sampah), Tuir Defisaun Word  Helth Organizatio  (WHO)  katak Lixu mak materiais hirak nebe la uza, lakohi ka material nebe soe tiha no mai husi aktividades humana no mos kauza husi natureza  nebe lao likuidu.

 

2.      Tuir Ministerio Administrasaun Estatal (MAE) katak  Lixu mak  Kualker subtansia ou objetus nebe produtor ou detendor desfas ka fosai ka iha intensaun dez fazer.

 

3.      Tuir Ministerio Saude katak Residus  solidus nudar material sira  nebe  hamosu husi aktividades humana no animal sira nebe maka soe tiha bainhila la uza ka hakarak.

 

4.      Tuir matenek nain  Juli Soemirat (1994)  nia hanoin kona ba residous ka sampah katak buat (materiais) neebe lakohi ona husi nia nain rasik bersifat padat. 

 

 5.      Azwar (1990) sampah adalah sebagian dari sesuatu yang tidak dipakai, tidak disenangi atau sesuatu yang harus dibuang yang umumnya berasal dari kegiatan yang dilakukan manusia (termasuk kegiatan industri) tetapi bukan biologis karena kotoran manusia (human waste) tidak termasuk kedalamnya. 

DADOS LIXU NIAN IHA DILI

Funsionariu SAS 248 Fahe ba grupu 4 Dasa foer, Kareta rekoilla lixu, Lere jardin, Lixeiru tibar.

Arsenia da Cruz mos hatudu dadus katak fontes lixo marinho mai hosi fontes rua mak hanesan Terrestrial 80% lixu tuir mota no be dalan, Marinho 20% lixu roo hakail no soe lixu illegal hosi roo.

Kada loron lixu ne’ebé produs hamutuk 190 tonelada, ida ne’ebé konsege rekolla ne’e 40% deit, 60% ne’e komunidade ba soe iha uma sorin, valeta, mota laran no tasi ibun, tanba seidauk iha konsensia atu moris saudavel.

POLITIKA GOVERNU NIAN

1.   Halao Limpeza geral iha sidade Dili..

2.   Tau lixeiru iha fatin-fatin hodi ema bele soe foer tuir nia fatin no oras.

3.   Monta saneamentu iha fatin jardin sira, dasa foer iha Dili laran.

4.   Halo resiklajen ba lixu iha tibar.

5.   Walikota iha sidade Dili.

Decreto Lei Ambiental nu 33/2008 ordem saneamento publiku ba komunidades sira neebe soe lixu arbiru iha kapital dili, maibe dekretu nee la regula ema nia konsiensia tanba kontinua soe foer maski governu kria ona lixeira iha fatin publiku sira iha kapital dili.

 

IMPAKTU HOSI SOE LIXO;

1.   Hamosu engrafamentu iha sidade laran.

2.   Hamosu inundasaun. 

3.   Estraga belesa sidade nian.