TIPU - TIPU LIXU

Tuir fontes hosi lixu nee rasik, lixu nee fahe ba lixu organiku, lixu nee bele kontinua utiliza ba adubu. Lixu la organiku maka ezemplu plastiku uzadu ba empakotamentu aihan, surat tahan ou papel sira, plastiku ba brinkedu, garafa no vidru sira bebida nian, lata sira no seluk tan. Lixu la organiku hirak nee bele kontinua ba faan hodi sai fali produto seluk ruma ou babain ema hateten lixu komersial. Iha Timor-Leste, kategoria lixu neebe daudaun nee sai lixu komersial mak lata ou kalen, besi, aluminium,no bronze. Iha nasaun neebe halao prosesamentu no organiza diak ba lixu tuir nia dalan, tipu lixu organiza tuir tipu lixu nee rasik. Atu hafasil transportasaun ba fatin soe lixu nia (fatin soe lixu), lixu tuir nia klasifikasaun mak hanesan:

 

1.       Lixu familiar

Lixu bokon nee maka tipu lixu bain-bain dodok hodi hamosu is neebe ladiak (dois). Ezemplu: nee mak hanesan hahan restu, modo, naan, ai tahan maran no material hotu neebe mai hosi buat moris.

a.       Lixu maran maka lixu neebe transforma hosi besi (logam )sira mak hanesan besi tuan, kalen at, no lixu maran laos hosi besi (nonlogam) maka ai, kertas, vidru, kramik, fatuk, no restu hosi ai.

b.       Lixu mamar ezemplu lixu nee maka rai rahun hosi uma laran, armajen, sigaru latu, ai latu. Lixu boot sira mak hanesan lixu neebe soe hosi familia boot sira hanesan meja, kadeira, jeleira, tv, radio, no sasan dapur sira seluk.

2.       Lixu komersial: lixu neebe mai hosi atividade komersial sira hanesan merkadu, supermerkadu, warung, jardin, fatin deskansa, benkel no kios. No mos hosi instituisaun sira hanesan edifisiu, eskola, igreja, no agensia komersial sira seluk.

3.       Lixu infraestrutura: lixu nee mai hosi atividade desemvolvimentu sira hanesan konstrusaun infraestrutura hanesan sementi, ai, nst.

4.       Lixu fasilidade komum: lixu nee mai hosi dasa dalan ninin, trotoar, jardin, kampu, fatin turistiku, no fasilidade komum seluk. Ezemplu maka ai tahan, ai sanak, kertas, plastiku no rai rahun.

Tuir Gelbert, lixu kategoria iha parte tolu mak hanesan:

1.       Lixu organika, mai hosi material organika neebe iha hosi animal neebe foti hosi natural ou resultadu hosi atividade agrikultura, peska, no seluk tan. Lixu nee fasil atu prosesa tuir prosesu organika. Lixu familiar neebe boot hanesan material organika. Hanesan mos ho lixu organika, ezemplu lixu hosi dapur, modo, aifuan kulit, no ai tahan.

2.       Lixu anorganika, mai hosi rekursu natureza hanesan mina, ou rezultadu prosesu hosi industria. Material sira nee mak hanesan botir, botir plastik, pasta plastik no kalen.

3.       Lixu neebe kontaminadu ho aimoruk aat: hanesan foer hosi hospital, foer fabrika nst.

 

Lixu kategoria husi nia forma

Klasifikasaun residous ou lixu bazeia ba nia forma iha kategoria;

Lixu Solidu: Lixu solidu maka produs husi rezultadu atividade industria ou atividade domestika neebe ho forma solidu. Ezemplu; surat tahan, plastiku, poeria metalika, ai uut, panu (hena) no seluk tan. Prosesu tratamentu ba residuo solidu fo diferensa tuir lixu nia utilidade, residuo solidu neebe bele halo resiklajen no labele halo resiklajen ou laiha ona nia utilidade. Residuos sira mak la util ona normalmente ema soe, sunu no lakohi.

Lixu likidu: Residuos likidu mak mistura entre kompozisaun foer ho bee mak dizolvidu ona. No likidu sira neebe uzadu ona, sai restu iha nia utilizasaun hodi soe ba fatin lixeira sira mak hanesan; Residus metan neebe mai husi lixu likidu casa de banho (Poço casa de banho) nian.

Lixu ida nee kompila kompila ona ho patojenu (origem das doenças) neebe perigoju.

Residous likidu domestika mak lixu likidu sira rezulta husi dapur, haris fatin, lavandaria, lixu ida nee posivel mos kompila ho patojenos. Kategoria ba residuos likidu sira mak, likidu husi domestika, likidu industria, likidu fabrika no udan-been (chuva).

Lixu gazoza: Residuos gasosa mak lixu neebe kontamina on aho anin livre, no anin sai ponte ba tranferensia husi fatin ida ba fatin seluk. Naturalmente anin inkluindo ona ho elementus kimiku iha nia subtansia mak hanesan CO2, O2, H2, seluk tan. Residuos gasosa neebe kontamina iha anin livre hodi ultrapasa konteudu substansia anin natural sei fo redusaun ba kualidade anin nee rasik.

 

Lixu gazoza mak husik livre iha anin sei iha kontaminasaun, no sei rezultadu negativa ba saude ambiental. Substansia lixu gasosa sira sai populasaun ambiental klasifika ba parte rua mak hanesan partikula no gazoza. Partikula mak elementu kiik liu husi subtansia material ida nia kompozisaun no iha posibilidade bele haree ho matan (fumo husi bee, rai rahun, ai suar, kalohan). Enkuantu kontaminasaun ho forma gasosa so bele deit sente atravez husi respirasaun ema nian.

FATOR INFLUENSA BA PRODUSAUN LIXU

Tratamentu lixu iha relasaun metin ho populasaun porque husi lixu refere sei moris mikroorganizmu hodi sai kauzalidade ba moras aat sira. lha lixu mikroorganizmu sei moris mak hanesan bakteria no sai mos Patojenos ba populasaun ou komunidade nia ambiente. Portantu lixu merese duni hetan atensaun seriu no masimu hodi labele hamosu problema iha populasaun nia

Ita konsiente katak kualidade no kuantidade lixu ekstremamente hetan influensia liuhusi varias atividade no depende mos ba grau moris populasaun nian. lha mos fator importantisimu mak sai influensia ba produsaun lixu, nomeadamente;

Kuantidade ba populasaun; Kada ves mais evolusaun em kuantidade ba populasaun entaun aumenta proporsional produsaun lixu neebe makaas. Asuntu nee iha ligasaun no armoniza hela taxa aumentu ba populasaun iha urbana sira nomos zona rural sira

Situasaun sosial ekonomia; Situasaun sosial ekonomia populasaun nian neebe kontinua aas ba bebeik, sai pontu ida hodi kontribui ba aumenta produsaun lixu. Liu-liu lixu Sira ho natureza difisil atu dodok (la organiku), no iha aspeitu nee refere dependensia liu ba material Sira no alimentu Sira preparadu husi loja no supermerkadu Sira sempre ho embalajen.

Progresu teknolojia; Siensia no teknolojia neebe avansu makaas iha mundu ohin loron, sai mos fator ida iha aumentu kuantidade ba produsaun lixu iha sosiadade. Ambientalmente, konsiente katak progresu ba teknolojia fo adisional iha kuantidade no kualialidade lixu tanba konsumu materia-prima neebe oinoin, maneira empakotamentu ou embalajem no produtu manufatura ou fabrika neebe mak sempre mais aumenta.

Produsaun ba lixu nee hanesan produsaun ida neebe Inevitavel iha Sosiedade nia leet, populasaun neebe maka aumenta, lixu rnos aumenta ba nafatin. Lixu ho populasaun sai hanesan kresimentu neebe okupa espasu ba rai no nasaun

Sira iha mundu. Tanba nee, lixu sai hanesan preokupasaun iha sosiedade nia Soe lixu tuir luron ho arbiru, soe lixu iha kova (raikuak) ou rai kle'an, soe lixu iha rai kuak no taka fali rai ho dalas ba dalas hodi lixu Ia lekar iha fatin livre, soe lixu iha bee-dalan, mota no tasi, sunu lixu iha fatin Ia propriu hodi halo kontaminasaun no polusaun ba anin livre, uza lixu organika ba adubu no utiliza fila fali lixu balun neebe sei bele uza seidauk sai abitu iha sosiadade nia leet.

Impaktu lixu pormenor ba Saude agrupadas ba parte efeitu moras direta no efeitu Ia direta. Signifikadu husi efeitu direitu mak efetu moras sira neebe ema hetan liuhusi kontaktu direta ba lixu refere. Ezemplu, lixu neebe ho karater Corrosivo (material ou lixu sira kuandu kontaktu estraga ita-nia kulit direta) ba ema-nia isin no seluk tan. Lixu domestiku sira lalais dekompostu ou dodok sei sai fatin moris bakteria patojeniku (parasite neebe hamosu moras) neebe sei hamosu moras oin-oin.

Enkuantu, efeitu Ia direta mak impaktu sira husi lixu maibe populasaun Ia sente direta iha tempu no espasu oras nee dadauk, kauza husi prosesu dekompozisaun (dodok), kombustaun (sunu) no remosaun (soe) lixu. Efetu Ia direta sira seluk mak forma doensa sira neebe husi vector (lalar, lao ou insetu sira lori moras hodi hadaet) mak moris multiplika iha lixu nia laran.

Dispozisaun lixu Ia tuir regras sai hanesan problema ida neebe grave tebes relasiona ho ambiente tanba sosiedade iha relasaun natural ho ambiente no problema sira nee maka hanesan rai halai, poluisaun, lalubur, moras no selukseluk tan. Fator umanu sai hanesan sentru oinsa maka atu hamosu lixu no oinsa maka atu reduz lixu maibe ida nee fila fali ba situasaun no politika estadu no sosiedade nian.

Lixu ba kontaminasaun ambiental sai preukupasaun prinsipal iha Dili no sidade sira seluk. Lixu ou restu neebe aas liu mak lixu domestika, tanba nee presiza duni iha jestaun neebe diak no adekuadu. Haree husi kuantidade lixu kada familia produs; depende ba kustume uzu iha kada familia ba nesesidade bazeia ba padraun moris, tempu ou iklima, diversidade populasaun, diversidade ba uzu, maneira kuidadu lixu. Hirak nee mak sai fator sira iha familia no ambiente ba produsaun lixu hodi fo influensia iha sosiedade.

lha Timor-Leste nomeadamente iha Dili no sidade sira seluk, seidauk iha metodu ou koñesementu propriadu ba utilzasaun lixu sai valor ekonomiku. Entaun fo mitigasaun (kelongaran) ba sidadaun maioria halo remosaun ba lixu ho maneira;

Soe lixu tuir luron ho arbiru, soe lixu iha kova (raikuak) ou rai klean, soe lixu iha rai kuak no taka fali rai ho dalas ba dalas hodi lixu Ia lekar iha fatin livre, soe lixu iha bee-dalan, mota no tasi, sunu lixu iha fatin Ia propriu hodi halo kontaminasaun no polusaun ba anin livre, uza lixu organika ba adubu no utiliza fila fali lixu balun neebe sei bele uza seidauk sai abitu iha sosiadade nia leet.

Observasaun direta iha fatin montaun (butuk) lixu hatudu katak, lixu sai fatin suporta ba moska (lalar) hodi moris, lixu sai mos fatin suporta ou abrigu ba rato (laho), neebe kada animal hirak nee lori moras no transfere ou hadaet ba ema ho moras oin-oin. Rezultadu dekompozisaun lixu fo cheiro (dois) ladiak ba anin livre, nunee moo fo inpaktu ba saude ambiental dentru kontaminasaun ba bee, rai no anin husi prosesu dekompozisaun lixu.

Impaktu husi lixu mos bele estraga Kresimentu ekonomiku Nasaun nian se ita haree ba area turizmu ninian. Bainhira tasi foer automatikamente estraga beleza ba iha ambiente tasi nian ho nunee sai hanesan fator ida neebe maka estraga turista sira-nia vizita iha Timor-Leste.

ESTADU NIA TULUN BA TRATAMENTU LIXU

Maneja lixu engloba atividade sira similante; Redusaun, eskolla, kolesaun, utilizasaun, transporte, levantamentu, klasifikasaun no prosesamentu. Dala barak mak iha opiniaun tratamentu lixu haree husi aspetu rua nomeadamente estabelesimentu elaborasaun ba politika prosesamentu lixu no ezekusaun levantamentu lixu. Lixu presiza trata ho prinsipiu no baze fundamental neebe kuda iha ema hotu nia konsiensia com espesifika, mak Disiplina, Ijiene, no beleza.

Konsiensia ema-nian, ba infrastrutura ba tratamentu lixu no regulamentu ho nia sansaun sira, sai importante no depedente ba malu iha prosesu tratamentu ou jestaun ba lixu. Ho kondisaun nasaun neebe maka foin moris hanesan TimorLeste, foin maka harii ho prosesu konstrusaun estadu komesa husi fator ekonomiku, agrikultura, infraestrutura no fator oioin neebe maka foin dezenvolve.

Ho nunee Timor-Leste nia ekonomia sei dependensia ba iha importasaun husi nasaun sira seluk, iha konsumu domestiku Timor-Leste nian, liuhusi material sira neebe maka nasaun sira seluk eksporta mai Timor Leste.

Liuhusi produtu importadu sira neebe maka populasaun Timor-Leste konsumu, Timor-Leste sai mos destinasaun ba iha lixu. Ezemplu, neebe ita bele hetan maka ai-han sira neebe fabrika husi nasaun importador sira, sempre uza plastiku, lata, no substansia sira seluk neebe hodi uza ba empakotamentu ou embalajem.

Too ikus blindajen ou kobertor sira nee sai lixu iha Timor-Leste. Kada tinan atividade importasaun husi nasaun sira seluk sempre kontinua no aumenta ba beibeik, ho nunee lixu mos iha kuantidade dupla makaas ba iha ambiente

Timor-Leste.

Implikasaun ida nee akontese tanba maioria ema barak maka seidauk iha konsiensia kona-ba lixu nia influensia ba ambiental. Jestaun ba lixu seidauk bele atende ho diak no abrajente, iha problema ambiental neebe maka sempre akontese iha Timor-Leste.

Tinan-tinan ikus nee, husi parte Governu organiza eskola sira, organizasuan relijioza sira, ekipa funsionariu publiku sira, sosidade sivil sira, no grupu sidadaun sira, halo asaun limpeza iha zona barak kapital Dili nian, no iha munisipiu Timor laran tomak.

Asaun sira nee mosu hafoin aumentu numeru fotografia sira neebe maka mosu iha media sosaal sira, lalubur ou inundasaun lubuk neebe involve edifisiu publiku sira iha kauza, populasaun soe lixu no akumula (butuk) iha dalan ninin, lixu barak akumuladu iha fatin-fatin, poluisaun makaas iha fatin-fatin, no akumuladu lixu liu-liu iha mota nian no iha kosteira maritimu nasaun nee nian.

Tanba nee, fim do mes kada loron-sexta sempre Governu organiza halo limpeza. Esforsu hirak nee hotu Governu halo no estabelese Sekretariu Estadu

Meiu Ambiente neebe serbisu espesifika ba ambiente nian.

Ate orgaun nasaun nian neebe kompetente ratifika regras internasionais lubuk no produz lei lubuk ba ambiental mak hanesan; Ratifika Konvensaun ambiente, konvensaun Biodiversidade, mudansa klimatika, kombate dizertifikasaun, konvensaun ozon, konvensaun protokolu Kyoto.

No, orgaun nasaun nia neebe kompetente mos produz Lei Nu. 26/2012 konaba baze ambiental, Dekreitu lei Nu. 5/2012 kona-ba lisensamentu ambiental, diploma Governu Nu. 32/2017 kona-ba halibur lixu fo kompetensia ba munisipiu sira. Maske esforsu Governu nian kontinua makaas atu trata lixu maibe lixu nafatin sai problema no fenomena sosial ida iha Timor-Leste.

Tanba nee, meu sira neebe parte Governu presiza kria ou halo hodi apoiu no konstroi tan mak oinsa lixu sai fontes ba reseita ekonomia no lixu Iaos sai dezastre ou kalamidade ambiental maibe lori sorte, atravesa lixu sai adubu ba produtu komersial hodi troka adubu kimiku sira neebe utiliza iha setor agrikula. Haree ba aspetu ekonomia sosiedade nian lixu sira bele sai fali material ida neebe iha valor ekonomia iha familia ida-idak.Haree ba buat kiik husi lixu sira neebe maka bele reutiliza fali populasaun sira bele tau hamutuk hodi ba fa'an fali ho nunee bele utiliza fila fali. No, atu jestaun problema lixu sai fontes ba reseita ekonomia sidadaun nian, nesesariu duni harii ou suporta forma ba aspetu lei ou regra, institusional jestaun ba lixu, partisipasaun populasaun iha jestaun, fundu no teknolojia. So ho nunee, duni maka jestaun ba lixu sai atividades ho sistematiku, akumuladu, no kontinuasaun ou sustentavel neebe too ikus rezulta duni fo diminuisaun no iha duni manuseiu ba lixu mak sai problema ba publiku iha Timor-Leste.

MAKDIAK HUSI JERE LIXU HO DIAK

Oponiaun em jeral no tuir siensia saude ambiental nian, lixu kuando jere ho diak, bainhira lixu refere Ia sai fatin moris bakteria sira no Ia sai fatin hodi alargamentu moras oin-oin iha sosiedade. No, realidade seluk, kuidadu lixu jere ho diak mak lixu Ia kontamina iha anin livre, bee no rai, Ia hamosu cheiro (iis) negativu iha ambiente no Ia hamosu insendiu no seluk tan.

No, dirijibilidade ba lixu neebe diak sei iha proveitu boot ba vida umanidade no ambiental. Salvaguarda ambiental mak kontaminasaun ba bee-moos, rai, no anin. No, sei diminui kuantidade moris moska ou lalar no insektu sira seluk, ratu ou lao neebe sei sai laletek ba transferensia moras sira. Hodi evita mos estraga ba ponte, valeta, estrada, kanu ba bee-moos, inundasaun ou lalubur no selukseluk tan.

Makdiak husi jestaun lixu espesifikamente husi parte saneamentu, asegura no garantia fatin serbisu moos (limpu), prevene fatin moris ba bakteria no vektor, nunee prevene polusaun ambiental. Parte ekonomia, hamenus kustu ba tratamentu no medikamentu, diminui kustu reparasaun ba estraga sira tanba lalubur tanba intupidu lixu iha kanal drainaje sira nian.

Parte estetika (beleza no pureza), elimina panorama sira Ia saudavel ba ema nia haree, hasees tia husi ambiente aparesimentu dois (cheiro) sira neebe Ia diak, konserva nafatin sirkunstasia ambiente moos no inkontaminadu.